Sloveniya yığmasının hücumçusu “Xəzər Lənkəran”da

Lent.az-ın klubun rəsmi saytına istinadən verdiyi məlumata görə, sloveniyalı hücumçu Deyan Rusiçlə 2,5 illik müqavilə imzalanıb. 28 yaşlı Rusiç ölkəsinin klublarından savayı, Rumıniyanın “Timişoara” və Rusiyanın “Spartak Nalçik” komandalarının şərəfini qoruyub. Ötən mövsümün ikinci yarısını isə futbolçu Səudiyyə Ərəbistanının “Əl Taavon” klubunda oynayıb. Hücumçu həmçinin 2007-ci ildən etibarən bir neçə dəfə Sloveniya milli komandasının heyətinə də çağırılıb.