London olimpiadasında Azərbaycanın şef de-missionu müəyyənləşdi

Milli Olimpiya Komitəsindən (MOK) Lent.az-a verilən məlumata görə, bu, Gənclər və İdman Nazirliyinin beynəlxalq əlaqələr şöbəsinin müdiri İlham Mədətovdur. Ona MOK-un aparıcı mütəxəssisi Könül Nurullayeva yardımçı olacaq. London olimpiadası gələn il iyulun 27-dən avqustun 12-dək davam edəcək.

Qeyd edək ki, İlham Mədətov 2008-ci il Pekin Yay Olimpiya Oyunlarında da eyni funksiyaları yerinə yetirib. Könül Nurullayeva isə 2010-cu il Vankuver Qış Olimpiya Oyunlarında Azərbaycanın şef de-missionu olub.

Elşən MƏMMƏDOV