Yoldaşlıq görüşləri: Millimiz bu dəfə Makedoniyaya qalib gələcəkmi?

Mərdəkan qəsəbəsindəki “Dalğa Arena”da baş tutacaq qarşılaşmanı belaruslu baş hakim Aleksey Kulibakov idarə edəcək. Süni örtüklü meydançada təşkil olunacaq matç saat 20:00-da başlanacaq. Bu, yığmamızın iyunun 6-da rəsmən istifadəyə verilmiş stadionda ilk oyunu olacaq.

Makedoniya ilə qarşılaşma millimizin sentyabrın 2-də Bakıda Belçika, bundan 4 gün sonra Lənkəranda Qazaxıstanla keçirəcəyi 2012-ci il Avropa çempionatının seçmə qrup matçları öncəsi son sınağı olacaq. Bu günkü rəqiblə yığmamız əvvəllər 4 dəfə üz-üzə gəlib. 2000-ci il iyulun 27-də Varnada keçirilmiş yoldaşlıq görüşündə Makedoniya 2:1, oktyabrın 6-da baş tutmuş dünya çempionatının seçmə qrup matçında 3:0 hesabı ilə qalib gəlib. 2001-ci il sentyabrın 5-də keçirilmiş təkrar seçmə oyunda millimiz 1:1 hesablı heç-heçəyə nail olsa da, 2010-cu il mayın 29-da Avstriyanın Bişofshofen şəhərindəki yoldaşlıq görüşündən məğlub ayrılıb – 1:3.

Seçmə tsikldə Azərbaycanla eyni qrupda yer alan digər komandalara gəldikdə, Qazaxıstan Suriyanı, Avstriya Slovakiyanı, Türkiyə Estoniyanı, Almaniya Braziliyanı qəbul edəcək, Belçika isə Sloveniyaya qonaq olacaq.

19:00. Qazaxıstan – Suriya
20:00. AZƏRBAYCAN – Makedoniya
20:00. Rusiya – Serbiya
21:00. Litva – Ermənistan
21:35. Latviya – Finlandiya
22:00. Belarus – Bolqarıstan
22:00. Kipr – Moldova
22:00. Seneqal – Mərakeş
22:30. Kot dİvuar – İsrail
22:45. Macarıstan – İslandiya
23:00. Albaniya – Çernoqoriya
23:00. Norveç – Çexiya
23:00. Ukrayna – İsveç
23:15. Lixtenşteyn – İsveçrə
23:15. CAR – Burkina Faso
23:30. Avstriya – Slovakiya
23:30. Malta – Mərkəzi Afrika
23:30. Polşa – Gürcüstan
23:30. San-Marino – Rumıniya
23:30. Türkiyə - Estoniya
23:45. Almaniya – Braziliya
23:45. İrlandiya – Xorvatiya
23:45. İtaliya – İspaniya
23:45. Şotlandiya – Danimarka
23:45. Sloveniya – Belçika
23:45. Uels – Avstraliya
00:00. Bosniya və Herseqovina – Yunanıstan
00:00. Fransa – Çili
01:00. Portuqaliya – Lüksemburq
01:00. Tunis – Mali