Tuncay Şanlı əvvəlki sevgilisinin bənzəri ilə evlənir - FOTO

Almaniya “Volfsburq”undan İngiltərə “Bolton”una transfer olan türkiyəli futbolçu Tuncay Şanlı evlənməyə hazırlaşır.

Lent.az-ın məlumatına görə, 29 yaşlı hücumçu Londonda yaşayan müğənni Yıldız Rezva ilə bir müddətdir görüşür. Tuncay əslən Şimali Kiprdən olan Rezva ilə bu il ailə qurmaq niyyətindədir. Əvvəllər Premyer Liqanın digər klubu “Stok Siti”də də çıxış etmiş təcrübəli forvardın İngiltərəyə dönüşünə ən çox sevinən də elə gələcək həyat yoldaşı olub. Onlar Londonda tanış olublar.

Qeyd edək ki, Tuncay Şanlı vaxtilə Türkiyə Cümhuriyyət Xalq Partiyasının İstanbul millət vəkili Mehmet Sevigenin kızı, aktrisa Selen Sevigenlə birgə olub. Lakin sonradan aktrisa müğənni Gökhan Özənlə ailə qurub. Tuncayın yeni sevgilisini Sevigenə bənzədirlər.