Unibank Premyer Liqası: Paytaxt derbisinin başlama saatı müəyyənləşdi

Lent.az-ın Peşəkar Futbol Liqasının rəsmi saytına istinadən verdiyi məlumata görə, qarşıdakı turun 6 oyunu 3 günə bərabər şəkildə bölünəcək. Tura cümə günü Qəbələdə eyniadlı klubun AZAL-a qarşı oynayacağı qarşılaşma ilə start veriləcək. Günün digər matçı Zaqatalada “Simurq”la “Rəvan” arasında olacaq.

Ertəsi gün “İnter”lə “Bakı” arasında paytaxt derbisi baş tutacaq. Lider “Xəzər Lənkəran” isə “Turan”ı qəbul edəcək.
Son oyun günündə “Kəpəz” Gəncədə “Qarabağ”ı, “Neftçi” Bakıda “Sumqayıt Şəhər”i sınağa çəkəcək.

19 avqust (cümə)

"Qəbələ" - AZAL
Qəbələ şəhər stadionu. Saat 17:00
"Simurq" - "Rəvan"
Zaqatala şəhər stadionu. Saat 20:00

20 avqust (şənbə)

"Xəzər Lənkəran" - "Turan"
Lənkəran şəhər mərkəzi stadionu. Saat 19:30
"İnter" - "Bakı"
"Şəfa" stadionu. Saat 21:00

21 avqust (bazar)

"Neftçi" - "Sumqayıt Şəhər"
Tofiq Bəhramov adına Respublika stadionu. Saat 21:00
"Kəpəz" - "Qarabağ"
Gəncə şəhər stadionu. Saat 17:00