İğdır-Naxçıvan qaz kəmərinin inşası üzrə bütün xərcləri ARDNŞ öz üzərinə götürəcək
18 avqust 2009 16:00 (UTC +04:00)

İğdır-Naxçıvan qaz kəmərinin inşası üzrə bütün xərcləri ARDNŞ öz üzərinə götürəcək

Gələn həftə şirkətin texniki qrupu Ankaraya səfər edəcək

İğdır-Naxçıvan qaz kəmərinin inşası üzrə bütün xərcləri ARDNŞ tərəflər arasında imzalanmış memoranduma əsasən öz üzərinə götürəcək. Lent.az-ın məlumatına görə, bunu Azərbaycan Respublikası Dövlət Neft Şirkətinin (ARDNŞ) prezidenti Rövnəq Abdullayev bildirib.

“Azərbaycan və Türkiyə arasında imzalanan memoranduma əsasən, Türkiyə tərəfi qaz kəmərinin inşasına icazənin alınması və layihənin təsdiqlənməsi, ARDNŞ isə boru kəmərinin maliyyələşdirilməsi və inşası üzrə işləri öz üzərinə götürəcək” – deyə, abdullayev bildirib.

ARDNŞ prezidenti qeyd edib ki, gələn həftə şirkətin texniki qrupu Ankaraya səfər edəcək. Ankarada BOTAŞ şirkəti ilə qaz kəmərinin inşası, onun layihələndirilməsi və inşası üçün icazənin alınması məsələləri nəzərdən keçiriləcək. Qaz kəmərinin inşası Naxçıvanının enerji təhlükəsizliyinin təmin edilməsi nöqteyi-nəzərindən böyük əhəmiyyət kəsb edir.

Hazırda Naxçıvana qaz svop əməliyyatları əsasında İrandan nəql edilir.
# 758

Oxşar yazılar