Qətər “Nabucco”ya qaz verəcək
19 avqust 2009 16:30 (UTC +04:00)

Qətər “Nabucco”ya qaz verəcək

Dünyada qaz ehtiyatlarına (8.5 trilyon kubmetr) görə üçüncü ölkə sayılan Qətərlə Türkiyə arasında qaz kəmərinin çəkilməsi, Qətərin “Nabucco” layihəsində iştirakı ilə bağlı şifahi razılaşma əldə edilib.
Lent.az-ın Türkiyə mətbuatına istinadən yaydığı məlumata görə, baş nazir Rəcəb Tayyib Ərdoğanla Türkiyədə səfərdə olan Qətər əmiri şeyx Hamad İbn Xəlifə Əl Tani arasında görüşdə hər iki tərəf bu layihədə maraqlı olduqlarını bəyanlayıb.

Qətər əmiri qaz kəmərinin çəkilməsinə müsbət yanaşdıqlarını söyləyib.

Qətər qazı Türkiyəyə 2 min 300 kilometr məsafəni keçərək gəlməlidir. Boru kəməri dəniz sularından keçməyəcəksə, quruda Səudiyyə Ərəbistanı, Küveyt və İraqdan keçməlidir. ABŞ İraq qazının da “Nabucco” layihəsiylə daşınmasını istəyir və bu baxımdan, Qətərdən gələcək kəmərin İraqdan keçməsi bu işi asanlaşdıracaq.

Dünən görüşlərdən sonra indiki mərhələdə Qətərin Türkiyəyə 4 milyard kubmetr maye qaz satmasıyla bağlı razılaşma imzalanıb. Maye qaz tankerlərlə daşınacaq.
# 737

Oxşar yazılar