Azərbaycanlı müğənni: “...sənəti atmışam”

Azərbaycanın tanınmış müğənnilərindən olan Xəyalə Manaflı yaradıcılıq işləri ilə bağlı maraqlı açıqlamalar verib. Xəyalə Manaflı Lent.az-a açıqlamasında bildirib: “Yaradıcılığıma müvəqqəti fasilə vermişəm. Bu fasilə yaxın rəfiqəmin salonun reklam işlərində ona yardımçı olmağımla bağlıdır. Artıq bir neçə müddətdir ki, rəfiqəmin salonun reklam meneceriyəm. Ancaq bu o demək deyil ki, müğənnilik sənətini atmışam. Sadəcə bir müddət yaradıcılığıma fasilə vermişəm”.

Xəyalə Manaflı uzun illərdir efirdə olmasına baxmayaraq, çox tanınmamasının səbəbini isə belə izah edib: “1990-cı ildən sənətdəyəm. Kimin pulu var, efirə çıxır, ödənişini edir və tanınır. Özünü daha çox reklam edir. Mənim reklama ehtiyacım yoxdur. Mənim reklamım illərdir yığılıb. Bu, tamaşaçının mənə sevgisidir. Mənim heç sponsorum da olmayıb. Sponsor mənim ailəmdir”.

Yalçın Süleymanov