Röya və Zamiqdən rekord: 60 min!

Lent.az-ın məlumatına görə, konsertdən öncə Gəncə şəhər icra başçısı Eldar Əzizov Röya Ayxan və Zamiqi qəbul edib. Görüşdən sonra icra hakimi və müğənnilər Heydər Əliyev Fondunun himayəsi ilə Gəncə yay istirahət düşərgəsində tətil edən şəkərli diabetdən əziyyət çəkən uşaqlara baş çəkiblər. Müğənnilər uşaqlar üçün xüsusi hazırlanmış proqramda iştirak ediblər.

Konsertin sadiq aparıcıları Samir Bayramlı və Sevinc Ağaşirinova bu dəfə də öz missiyalarını yerinə yetiriblər. Röya Ayxan və Zamiq Azərbaycan musiqi səhnəsində böyük bir ilkə imza atıblar. Müğənnilər nə az, nə çox - 60 mindən artıq tamaşaçı qarşısında çıxış ediblər. Konsert başlamamışdan öncə konsertin olduğu məkanda yaranan izdiham nəticəsində yollar bağlanıb.

Şəhər icra hakimiyyətinin başçısı Eldar Əzizov və Mədəniyyət və Turizm İdarəsinin rəisi Mina Məlikova konserti sonadək izləyiblər.

Olduqca maraqlı keçən konsert PTS vasitəsilə bütövlüklə lentə alınıb. Proqram yaxın vaxtlarda ekranda nümayiş olunacaq.

Qeyd edək ki, konsert turu 12 iyul tarixində Qubada başlayıb və artıq Qəbələ, Göyçay, Mingəçevir, Zaqatala, Qazax, Tovuz, Ağdam, Füzuli, Yevlax, Gəncə şəhərlərində keçirilib. Azərbaycanın 15 bölgəsində keçirilən “Doğma diyar” konsert turuna “NarMobile”ın sponsorluğu bu brendin ölkə ərazisində abunəçilərinə ən uyğun qiymətlər və keyfiyyətli xidmətlər təqdim edən mobil operator kimi populyarlığına işarə edir. Konsertlərdə iştirak edən sakinlər NarMobile-dan bir çox bonus qazanmaq imkanı və yeni kampaniyalar haqqında məlumat əldə edirlər. Belə ki, NarMobile abunəçiləri kampaniya müddətində 2222 nömrəsinə zəng edərək, cəmi 1 AZN ödəməklə, şəbəkədaxili 25 dəqiqə, 25 SMS və 25 MB İnternet trafik əldə edə bilirlər. Konsert zamanı SMS viktorinada iştirak edən və sualın düzgün cavabını 1111 nömrəsinə göndərən abunəçilər mobil telefonları qazanmaq şansını əldə edirlər.

Gəncə konsertində kampaniya müddətində 2222 nömrəsinə zəng edərək, cəmi 1 AZN ödəməklə, şəbəkədaxili 25 dəqiqə, 25 SMS və 25 MB İnternet trafiki əldə edə biliblər.

Konsert zamanı SMS viktorinada iştirak edən və sualın düzgün cavabını 1111 nömrəsinə göndərən “Nar Mobile” abunəçiləri, mobil telefon qazanmaq şansını əldə ediblər.

“Doğma diyar” layihəsinin informasiya dəstəyi “RÖYA” jurnalına, eksklüziv yayım hüququ isə “LİDER TV”-yə məxsusdur.

Növbəti konsert sentyabrın 5-də Sumqayıtda olacaq.

Lalə Yusifqızı