“Next” indi də himn oxuyur!

Dünya Azərbaycanlılarının Əlaqələndirmə Şurasının sifarişi ilə yazılan “Azərbaycan” adlı diaspor himnini “Next” qrupu ifa edəcək. Bu barədə Lent.az–a “Next” qrupunun mətbuat xidmətindən məlumat verilib.

Musiqisi İmruzə Hüseynovaya, sözləri Edinburq Universitetinin professoru, Dünya Azərbaycanlılarının Əlaqələndirmə Şurasının sədri Qulamrza Səbri Təbriziyə məxsus olan mahnını daha öncə müğənni Samir Piriyev ifa edib. Mahnı müəllifləri hazırda diasporun “Azərbaycan” adlı himnini qrup üzvlərinin ixtiyarına verib: ““Azərbaycanımız və Azərbaycan diasporu haqqında mahnı oxumağın məsuliyyətlidir. Vətəndən kənarda çıxışlarımız olduğu üçün diasporun himnini sevdirə biləcəyimizə inanırıq”.

Bəstəkar İmruzə Hüseynova isə “Next” qrupunun ifasından razı qaldığını deyərək, öz istəyi ilə məşq proseslərində iştirak etdiyini deyib: “Mən uşaqların ifasına qulaq asanda inanın ki, valeh oldum. Çox professional ifaları ilə məni təəccübləndirməklə yanaşı, həm də seçimimdə yanılmadığımı sübut etdilər. “Next” qrupunu çox bəyəndim və bundan sonra da bütün mahnılarımı onlara hədiyyə etməyə hazıram”.

Nəzrin