Paris Hiltonu 4 ilə qədər həbs gözləyir

Lent.az-ın “People” jurnalına istinadən verdiyi məlumata görə, günahı sübut olunarsa, Hiltonu 4 ilə qədər həbs cəzası gözləyir.

Modelin avqustun 27-d Las-Veqasda tutulması ilə bağlı yeni detallar da məlum olub. Bildirilib ki, Hilton və onun dostu tutulan zaman, 29 yaşlı model polislərdən onu otelə qədər müşayiət etməsini xahiş edib. Oteldə polislə söhbət edən zaman o, çantasından dodaq balzamı çıxaranda zabit kiçik kokain paketini görüb. 0,8 qram kokaindən başqa çantadan papiros kağızı, astma əleyhinə preparat və 1300 dollar nağd pul tapılıb. Model bildirib ki, kosmetika və narkotik ona məxsus deyil. Papiros kağızı, pul və dərmanın isə ona məxsus olduğunu boynuna alıb.
Polislər tutduqları əşyaların siyahısını tərtib ediblər, Hiltonun məhkəməyə gələcəyilə bağlı dilindən iltizam alınaraq, azad buraxıblar.
Məhkəmə baxışının nə vaxt keçiriləcəyi hələ dəqiqləşməyib. Modelin hüquqlarını vəkil Devid Çesnoff qoruyur.