Rəqsanə: “İbrahim Tatlısəs məni restoranına dəvət etdi”

“O mənim telefon nömrəmi aldı, mən də onun...”

Bu günlərdə Türkiyədə İbrahim Tatlısəs və Azəri Günellə birlikdə toyda iştirak edən müğənni Rəqsanə səfərdən sevincək qayıdıb. Bu barədə Lent.az-a məlumat verən müğənni bildirib ki, səfərdə ən böyük qazancı “imperator” Tatlısəsin simpatiyasını qazanması olub: “Bir saatlıq çıxışım oldu, mənim üçün ən xoş olanı, Tatlısəsin musiqilərimi bəyənməsi oldu. Öz ünvanıma xoş söhbətlər eşitdim, bir-birimizə telefon nömrələrimizi verdik. İbrahim Tatlısəs mənim şəxsi nömrəmi aldı, mən də onun...”
Rəqsanə deyib ki, İbrahim Tatlısəs onu öz proqramına dəvət etmək fikrindədir: “O mənə dedi ki, yaxın vaxtlarda mütləq öz proqramına dəvət edəcək. Üstəlik, əlavə etdi ki, nə vaxt Türkiyədə olsam, məni öz restoranında görməyə şad olacaq...”

Lalə