Müğənni Bagira ilə Röya arasında yeni qalmaqal başlayır
29 may 2009 16:30 (UTC +04:00)

Müğənni Bagira ilə Röya arasında yeni qalmaqal başlayır

Röya susur, mətbuat katibi danışır

Müğənni Bagira bu gün Azad Azərbaycan televiziyasında Aygün Kazımovanın “Xeyir ola” verilişinin qonağı olub. Verilişdə o, Röyanın repertuarında məşhur olan “Röyayam” mahnısını vaxtilə bəstəkar Ramaldan 5 min manata aldığını, indi isə bəstəkarın həmin mahının oxumağa icazə vermədiyini deyib. Röyanın mətibuati katibi Ülviyyə Alovlu iddia ilə bağlı Lent.az-a müraciət edərək, açıqlama verib: “Bagiranın bu mahnıya heç bir aidiyyatı yoxdur. Biz Ramalla ona “Ərə getmirəm” adlı mahnı yazmışdıq. İndi onu başqa bir gənc müğənni ifa edir. Qoy gedib o mahnının da davasını aparsın. Əgər “Şən qızam” mahnısı oxunmamış qalıbsa və Ramal Bagiraya onu Röyadan xəbərsiz oxumağa veribsə, bu hələ o demək deyil ki, mahnı Röyanın deyil, Bagiranındır”.

Ü.Alovlu Röyanın mart ayında Heydər Əliyev Sarayında solo konsertə hazırlıq ərəfəsində vaxtıkən Ramaldan aldığı, amma hələ ifa etmədiyi mahnıları gözdən keçirəndə bu mahnını da ifa etməyi qərara aldığını deyib: “Röyanın səhnə fəaliyyətinin 10 illiyi münasibəti ilə mən mahnıdakı “Şən qızam” ifadəsini dəyişib “Röyayam” etdim. Beləcə, mahnının adı da “Röyayam” oldu”.

Lalə Yusifqızı
# 1550

Oxşar yazılar