Ebru Gündəşin Azərbaycan sevgisi
04 iyun 2009 12:30 (UTC +04:00)

Ebru Gündəşin Azərbaycan sevgisi

Türkiyədə keçirilən 7-ci Beynəlxalq Türkcə Olimpiadalarının mahnı müsabiqəsinin final mərhələsi başa çatıb.

Lent.az-ın məlumatına görə, İstanbulda keçirilən final mərasimində maraqlı görüntülər ortaya çıxıb. Türkiyənin dövlət naziri və baş nazirin müavin Bülənd Arınc əcnəbi şagirdlər türkcə mahnı oxuyarkən göz yaşlarını saxlaya bilməyib.

Yarışa Azərbaycandan qatılan Gülzar Fərəcova müğənni Ebru Gündəşin “Dəmir atdım yalnızlığa” mahnısı səsləndirib. Müsabiqədə jüri üzvü olan Ebru Gündəş Gülzarın ifasından xeyli təsirlənib və səhnəyə çıxaraq onunla duet oxuyub.

Müğənni Fatih Qısabarmaq isə onun “Mənim atam” mahnısını səsləndirən pakistanlı Məhəmməd Salmanın yanına gedərək, alnından öpüb.

Müsabiqənin nəticəsində qaliblərin adları açıqlanıb. Qaliblər arasında Gülzar Fərəcova da olub.
# 900

Oxşar yazılar