Keçmiş prodüseri Eltonun iddialarına cavab verdi

Müğənni Elton “ağlamır” və qəpiyə möhtac deyil. Müğənni mətbuata müsahibəsində hazırda işlədiyi prodüserini keçmiş prodüseri Rizvan Məmmədovla müqayisə edib: “Rizvan yaxşı menecer idi, onu prodüser hesab etmək olmaz. Lakin onunla işləyəndə bütün işləri mən görürdüm, toyları özüm danışırdım, televerilişlərə çıxırdım. İndi mən ağlamıram və qəpiyə möhtac deyiləm. Bütün işlərimdə indiki prodüserim kömək edir və sponsor tapır”.

Keçmiş prodüser Rizvan Məmmədov Lent.az-a açıqlamasında il yarım bundan əvvəl işbirliyinə son qoyduğu müğənninin bu açıqlamasına məna verməkdə çətinlik çəkdiyini bildirib: “Mənim Eltona qarşı pis münasibətim yoxdur. Dünənə kimi tədbirlərdə üz-üzə gəlib salamlaşırıq. 3 il birlikdə işləmişik. Çiyin-çiyinə əziyyət çəkmişik. Fikirlərinə görə sağ olsun. Lap tutaq ki, heç nə etməmişəm. Məni heç nəyə qadir olmamaqda günahlandımağın, bu sözləri deməyin nə mənası var? Bu sözləri deməklə o mənə yalnız ziyan vurur...”

Lalə Yusifqızı