Ebru Gündəş falçısının evində yatır
09 iyun 2009 12:00 (UTC +04:00)

Ebru Gündəş falçısının evində yatır

Sevgilisi Rza Zərrab isə psixoloq yanına gedir

Müğənni Ebru Gündəş bu gün səhər saatlarında falçıdan çıxarkən kameralara yaxalanıb.


Lent.az-ın məlumatına görə, müğənninin İstanbulun Ortaköy məhəlləsində yaşayan falçısının yanına tez-tez getdiyi barədə xəbərlər yayılıb. Sənətçinin həftədə bir neçə dəfə falçıya getdiyi iddia edilir.

Ebru Gündəş nəhayət ki, onu izləyən “Mega magazin” proqramının kameralarına yaxalanıb. Səhər saatlarında falçısının evindən çıxan müğənni yuxulu vəziyyətdə lüks maşınının sükanı arxasına keçərək, oradan uzaqlaşıb.

Qeyd edək ki, azərbaycanlı iş adamı Rza Zərrabla eşq macərası yaşayan sənətçinin bu yaxınlarda qolu sınıb və o səhnəyə qolu sarğılı çıxıb.

Türkiyə mətbuatının yaydığı məlumata görə, iş adamı Ebru Gündəşi sevdiyini desə də, əvvəlki sevgilisi Azəri qızı Günel Rza Zərrabın ondan əl çəkmədiyini iddia edir. Azəri qızının açıqlamalarından təngə gələn Zərrabın əsəb sistemində ciddi problemlər yaranıb. İş adamı eyni məsələ ilə bağlı gündəmə gəlməkdən də bezib. O, psixoloqa müraciət edərək, tibbi yardım istəyib. Hazırda iş adamının müntəzəm olaraq, psixoloq yanına getdiyi bildirilir.
# 501

Oxşar yazılar