İşçilərinin istirahəti üçün otel bağlatdıran tele-aparıcı

Türkiyənin tanınmış prodüseri və tele-aparıcısı Acun Ilıcalı (“Varmısın, yokmusun” yarışmasının aparıcısı) daha bir yeniliyə imza atıb.

Lent.az-ın “Mega Magazin”ə istinadən məlumatına görə, aparıcı istirahət mərkəzlərindən olan Bodrumda bir otel kirayələyib. Həmin oteldə Ilıcalıdan başqa, onunla birlikdə çalışan bütün əməkdaşlar və onların ailə üzvləri də istirahət edir.

Teleaparıcının bu hərəkəti müsbət qarşılanıb.

Qeyd edək ki, belə bir addımı ilk dəf amerikalı tolk-şou proqramının aparıcısı Oprah Uinfrey atıb. O, hər il yay fəslində proqramının hazırlanmasında zəhmət çəkən bütün işçilərini ailələri ilə birlikdə tətilə aparır. Bu il Uinfrey işçilərini və ailələrini gəmi ilə dünya səyahətinə çıxarıb. Teleaparıcının bunun üçün 1,7 milyon dollar xərclədiyi bildirilir. Ancaq bu məbləğ Uinfreyin illik qazancının təxminən 1/300 hissəsidir. Ilıcalının da amerikan həmkarından nümunə götürdüyü bildirilir.