“Qala” qrupu 60-cı illərə qayıdıb
29 iyul 2009 15:00 (UTC +04:00)

“Qala” qrupu 60-cı illərə qayıdıb

Qala qrupu Ədalət Şükürovla sayca ikinci duetini təqdim etməyə hazırlaşır.

Sözügedən duetə artıq klip də çəkilib. Bu barədə Lent.az-a qrupun üzvü Ceyhun Əliyev məlumat verib: “Bildiyiniz kimi, bizim bədii rəhbərimiz Ədalət Şükürovdur. Elə ilk dəfə də onunla duet oxumuşuq. Mahnının musiqisini özüm bəstələmişəm. Sözləri isə həvəskar şair Azər Şirinə məxsusdur”.

Qrupun üzvünün xəbərinə görə, mahnının klipi maraqlı alınıb: “Bu klipdə də mahnıya uyğun olaraq, sanki 60-cı illərə qayıtmışıq. Klip fotoşəkillərdən ibarətdir. Ağ və qara rənglər insanları bugünkü gündən ayıraraq keçmişə aparacaq”.

Ceyhun qrupun hazırda disk üzərində işlədiyini də məlumat verib: “Lakin təqdimat bir qədər gec olacaq. Çünki gələn il diski təhvil etməyi planlaşdırırıq”.

Lalə Yusifqızı
# 668

Oxşar yazılar