Röya: “O sözü elə özüm demişəm”

Müğənni Röya son vaxtlar ətrafında yaranan söz-söhbətlərə aydınlıq gətirib. Müğənni Lent.az-a açıqlamasında son günlər İradə İbrahimova barəsində verdiyi açıqlamalar barəsində danışıb: “Son günlər belə bir söhbət gəzir ki, guya mənim keçmiş mətbuat katibim açıqlamaları mənim adımdan göndərib. Son günlər “Röya” jurnalında heyətin dəyişməsi ilə əlaqədar olaraq Ülviyyə Alovlu özünün də gedəcəyini demişdi. Mən də onun fikrinə qarşı çıxmamışdım. Lakin bu o demək deyil ki, Ülviyyə Alovlunun açıqlamaları mənim adımdan ünvanlanmayıb. O mənim rəsmi mətbuat katibim olmasa da, onun ünvanladığı açıqlamalar mənim tərəfimdən göndərilib. O sözləri elə özüm demişəm. Ülviyyə ilə ünsiyyətimiz var. O ki qaldı “Röya” jurnalına, bu yaxınlarda işıq üzü görəcək və İradə İbrahimova ilə bağlı fikirlərimi orada yenidən açıqlayacam”.

Röya Ayxan hazırda rəsmi mətbuat katibi olmadığını da deyib.

Leyla