"Ay bədbəxtlər, axı sizi yandıran nədir?" – Manaf Ağayev

Bir neçə gündür, müğənni Manaf Ağayevin Şamaxıda iştirak etdiyi toy məclisindən görüntülər sosial şəbəkələrdə viral olub.

Lent.az-ın xəbərinə görə, videogörüntülərdə toya gələnlər Manaf Ağayevin ciblərinə pul qoyurlar. O isə, ifasını dayandırmadan oxuyur. Bu videoya münasibətlər birmənalı olmayıb. Bəzi sosial şəbəkə izləyiciləri müğənnin haqqında xoş olmayan fikirlər səsləndiriblər.

Manaf Ağayev dünən qatıldığı televiziya proqramlarından birində bu barədə danışarkən, əsəblərini cilovlaya bilməyib. O həmin şərhləri yazanların tanıdığı sənət adamları olduğunu deyib.

“Elə danışırlar sanki, kiminsə cibinə girmişəm. Ay şərəfsiz, o, kasıbdır. Verdiyi isə 20 manatdır və o pula ehtiyacım yoxdur. Amma onun ürəyi o qədər istəyir ki, gətirir. Ay bədbəxt, mən "paçka"larla pullar görmüşəm. Başıma o qədər pul yağdıran olub. 40 ildir ki, bu sənətdəyəm. Yazmaqdan, deməkdən ki, halal olsun o boyda toyu mikrofonsuz idarə etmisən. Özünüz də gördünüz ki, mən heç baxmırdım ki, kim və nə qədər mənim cibimə pul qoyur. Ay bədbəxtlər, axı sizi yandıran nədir? Həmin adamlar isə tanıdığım sənət adamları və sosial şəbəkə izləyiciləridir".