Milyonluq manikür: Həm pul, həm də sevgi cəlb edəcək

Bir çox insanlar inanır ki, bəzi rənglər uğur, xoşbəxtlik, var-dövlət və hətta sevgini “cəlb edə” bilər.

Lent.az bildirir ki, əgər siz də pul enerjisini cəlb edən manikür və dəbli dizayn ideyaları axtarırsınızsa, bu variantlar məhz sizin üçündür.

Qızılı parlaqlıq – pul axınını açan manikür

Qızılı manikür və onun bütün metal variasiyaları – çoxlu pul cəlb etmək istəyənlər üçün əsl "must-have" sayılır. Bu, parıltılı örtüklər, güzgü effekti və ya nüde baza üzərində qızılı detallarla ola bilər.

Qızılı rəng güc, səxavət, nüfuz və zənginliyi simvolizə edir.

Çəhrayı – sevginin maqniti

Açıq çəhrayı, pudra çəhrayısı, şaftalı çaları və ya “çəhrayı qızıl” – bunlar ürək çakrasının rəngləri hesab olunur. Bu manikür:

Münasibətlərdəki soyuqluğu əridə bilər

Qarşılıqlı anlaşma və yeni romantik tanışlıqlar cəlb edə bilər

Xüsusilə şəxsi həyatında yenidən başlanğıc istəyən qadınlara tövsiyə olunur

Çəhrayı tonlar qadının daxili cazibəsini və yumşaqlığını vurğulayır.

Zümrüd yaşılı – daxili güc və sabitlik üçün

Yaşıl rəng iyul ayında təbiət, müdriklik və yenilənmə enerjisini daşıyır. O, həm də maddi sabitlik, pulun qorunması və düşünülmüş qərarlar simvoludur.

Bu rəng:

Maliyyə məsələlərinə aydınlıq gətirmək

Məhsuldarlığı artırmaq

Emosional tükənmədən çıxmaq

Vacib qərarlar qəbul etmək istəyən qadınlara xüsusilə uyğundur

Parıltılı qara – idarə və güc rəmzi

Qara rəng həmişə pozitivlə assosiasiya olunmasa da, iyul ayında bu rəng güc, qərarlılıq və şəxsi nüfuzun rəngi kimi işləyir. Əgər qara manikürə qızılı və ya gümüşü detalları əlavə etsəniz, bu qoruyucu və sabitləşdirici enerjini daha da gücləndirə bilər.

Belə manikür:

Özünü göstərmək

Yeni bir mərhələyə başlamaq

Təşəbbüsü ələ almaq istəyən qadınlar üçün idealdır