Corcina Rodriges bir daha göstərib ki, dünyanın ən varlı idmançılarından biri ilə evli olsa da, geyim seçimində daha münasib qiymətli məhsullara üstünlük verir, dəbdəbəni isə əsasən aksesuarlarda saxlayır.
Lent.az xəbər verir ki, 32 yaşlı Rodriges Venesiya Film Festivalında qiyməti 110 funt-sterlinq olan atlas köynəkdə görüntülənib. Lakin onun timsah dərisindən hazırlanan çantası 74 min funt-sterlinq, yəni təxminən 170 min manat dəyərində qiymətləndirilir.
Bu, Corcinanın Kriştiano Ronaldo ilə ötən ay Portuqaliyadakı evlərində keçirilən toy mərasimindən sonra ilk ictimai görünüşü olub. Toy cütlüyün münasibətlərinin 10 illiyinə təsadüf edib. Onlar ilk dəfə Corcina Madriddə geyim mağazasında çalışdığı vaxt tanış olublar.
Bu əlamətdar tarix münasibətilə cütlük Corcinanın vaxtilə butikində işlədiyi moda evinin geyimlərini seçib. Onlar bu seçimi münasibətlərinin başlanğıcına simvolik qayıdış kimi qiymətləndiriblər.
Toydan bir gün əvvəl, avqustun 10-da cütlük Lissabonda nikah müqaviləsi imzalayıb. Corcina isə öz qızlıq soyadını saxlayıb.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
