Bir çox dünya ulduzları şöhrətə istedadları və zəhmətləri sayəsində çatıb. Lakin elələri də var ki, varlı və nüfuzlu ailələrdə doğulduqları üçün uğura aparan yol onlar üçün daha asan olub.
Lent.az məşhur olmamışdan əvvəl də varlı ailələrdə böyümüş beş tanınmış insan haqqında danışır.
Peris Hilton
Sosial həyatın parlaq siması, aktrisa, model və televiziya aparıcısı Peris Hilton 2000-ci illərin əvvəllərinin ən məşhur ulduzlarından birinə çevrilmişdi. O, dünyaca məşhur Hilton otellər şəbəkəsinin qurucusu Konrad Hiltonun nəticəsidir.
Məhz ailə mənşəyi sayəsində Peris uşaqlıqdan lüks həyat tərzi sürüb. Bununla belə, ulduz öz biznesini də qurmağı bacarıb. Bu gün onun geyim, aksesuar brendlərini və məşhur ətir xəttini əhatə edən uğurlu biznes imperiyası var.
Mayli Sayrus
Mayli Sayrus musiqi karyerası və “Hanna Montana” serialındakı rolu sayəsində məşhurlaşdı. Lakin onun şöhrətə aparan yolu da məşhur ailə ilə bağlı idi. O, 1990-cı illərin əvvəlində “Achy Breaky Heart” hiti ilə tanınan kantri müğənnisi Billi Rey Sayrusun qızıdır.
Atasının uğuru və musiqi sənayesindəki əlaqələri Mayliyə karyerasını inkişaf etdirmək üçün ilk imkanları əldə etməyə kömək edib.
Ceyden Smit
Ceyden Smit məşhur aktyorlar Uill Smit və Cada Pinkett-Smitin ailəsində doğulub. Onların sərvəti yüz milyonlarla dollarla qiymətləndirilir, buna görə də gələcək ulduz çox varlı mühitdə böyüyüb. Ceyden ilk böyük rolunu səkkiz yaşında “Xoşbəxtliyin ardınca” filmində alıb və bu filmdə atası ilə birlikdə rol oynayıb. Daha sonra o, aktyorluq və musiqi karyerasını inkişaf etdirməyə başlayıb.
Kim Kardaşyan
Kim Kardaşyan “Kardaşyanlar ailəsi” realiti-şousu, eləcə də öz biznesi və mediada fəallığı sayəsində dünya şöhrəti qazanıb. O, varlı ailədə böyüyüb. Atası Robert Kardaşyan tanınmış vəkil idi və O. J. Simpson işi ilə məşhurlaşmışdı. Ailəsinin maliyyə imkanları və statusu sayəsində Kim karyerasına başlamaq üçün daha çox fürsət əldə etmişdi.
Ceyk Silenhol
Hollivud aktyoru Ceyk Cillenhol da yaradıcı və varlı ailədə böyüyüb. Onun atası Stiven Cillenhol rejissor, anası Naomi Foner isə ssenaristdir. Məhz buna görə Ceyk uşaqlıqdan kino sənayesinə yaxın olub və ilk rollarını atasının filmlərində alıb. Sonradan o, Hollivudun ən tanınmış aktyorlarından birinə çevrilib və çoxsaylı mükafatlar qazanıb.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
