Brilliant Dadaşova küsülü olduğu sənətçi ilə barışdı

Xalq artisti Brilliant Dadaşova uzun illər küsülü olduğu bəstəkar Nailə Mirməmmədli ilə barışıb. Lent.az-ın məlumatına görə, müğənni bu barədə Facebook sosial şəbəkəsində status yazıb: “Düz səkkiz il öncə Nailə Mirməmmədli zəng vurub dedi ki, sənin üçün çox gözəl mahnı bəstələmişəm. Söylədi ki, mahnı bəmi və zilləri olan musiqidir və sənin səsinə uyğundur. Ancaq daha sonra bizim aramıza girdilər. Buna görə də mən onun bəstəsində ifa etdiyim mahnıların radiolarda səslənməsinə icazə vermədim. Amma daha sonra gözəl bəstəkar anladı ki, aramızı pozanlar, yalnız onun gözəl bəstələrinə ziyan vururlar. İndi barışdıq. Çünki onun mənim üçün yazdığı “Mən sənətkaram”, “Arzu”, “Gecələr” və s. bəstələri əvəz olunmaz əsərlərdir”.