Flora Kərimova: “O, normal kişi müğənnidir”

Son günlər gənc müğənni Rövşən Civişovun adının seks qalmaqalında hallanmasına xalq artisti Flora Kərimova münasibət bildirib. Lent.az-a açıqlama verən xalq artisti bildirib ki, bu şayiələr öncədən qurulmuş sifarişli plandır: “Rövşəni məndən yaxşı tanıyan yoxdur. Onu üç il öncə mən bu sənətə gətirib, tanıtmışam. Nə oldu? İndiyə qədər belə bir söhbət yox idi. Birdən birə o, küçənin ortasında 3 manat müqabilində oğlanla əlaqəyə girdi? Səsi olduğuna görə ona qara yaxmaqla gözdən salmaq niyyətindədirlər. Bu söz-söhbətlər şayiədən başqa bir şey deyil. Bunu təqsirləndirən şəxs də izahatında qeyd edib. Şayiələri yaymaq üçün bir neçə ay düşünüblər. Bu əsasız məlumatı yayanlar isə ya Rövşənin, ya da mənim düşmənimdir. Rövşən o biri kişi müğənnilər kimi qaşını alıb, üzünü boteks etdirməyib. O, normal kişi müğənnidir”.