Rəqsanə yaşını açıqlayıb, “qocalırıq, amma…” deyir - YENİLƏNİB

Bu gün müğənni Rəqsanə İsmayılova doğum gününü qeyd edir. Lent.az-ın məlumatına görə, müğənni bu barədə Facebook səhifəsində yazıb. O, artıq illər keçdikcə qocaldığını qeyd edərək, sosial şəbəkə vasitəsi ilə onu təbrik edən insanlara minətdarlığını bildirib: “Hər ilin bu günü mən dünyaya gəlirəm. Yəni 25.05.1979-ci ildə anadan olmuşam. Düz 35 yaşım tamam olur. Həyat necə keçir bilmək olmur. Ömürdən, gündən gedir. Qocalırıq. Amma Allahımdan razıyam. Çünki rəbbim mənə anamı, ailəmi uşaqlarımı qismət edib. Həyatda nə istəmişəmsə, yaradanım verib. Buna görə də, naşükür deyiləm. Doğum günümdə məni təbrik edən hər kəsə öz təşəkkürümü bildirirəm”.