Əgər axşam üçün maraqlı film axtarırsınızsa, amma yeni nəsə izləmək istəmirsinizsə, onda “qızıl klassika”ya - 90-cı illərin və 2000-ci illərin döyüş filmlərinə diqqət yetirin. Onlarla ətrafda baş verən hər şeyi unudub filmə tam qərq olmaq mümkündür.
Lent.az xarici mediaya istinadla 90-cı illərin 7 kult döyüş filmini təqdim edir.
“Armageddon”
Miqyaslı fəlakət-döyüş filmi kino dövrünün simvollarından birinə çevrilib. Burada hər şey var: Yerə doğru uçan asteroid, qazmaçı komandası, fədakarlıq və epik səhnələr.
“Armageddon” dünyanın sonu haqqında bir filmdir, amma hər şeydən əvvəl şans demək olar ki, qalmayanda belə geri çəkilməyən insanlar haqqındadır.
“Hava həbsxanası”
Bir təyyarə, ölkənin ən təhlükəli cinayətkarları və yanlış zamanda yanlış yerdə olan bir qəhrəman.
“Hava həbsxanası” gərginlik, personajların xarizması və daimi təhlükə hissi üzərində qurulub. Bu elə filmdir ki, aksiyon bir dəqiqə belə dayanmir.
“Qaya”
Bu, Maykl Beyin ən yaxşı döyüş filmlərindən biridir. Sizi Alkatrasa adasının ələ keçirilməsi, ölümcül silah və minlərlə insanı xilas etməli olan qəhrəmanlar gözləyir.
“Qaya” gərginlik, yumor və möhtəşəm səhnələr arasında ideal balans yaradır, buna görə də 30 il keçsə də hələ də eyni dərəcədə maraqlıdır.
“Əsgər Rayanı xilas etmək”
Bu sadəcə döyüş filmi deyil - bundan daha böyük bir əsərdir. Müharibə, seçim və insan həyatının dəyəri haqqında sərt, dürüst və çox güclü bir hekayədir - süjet həqiqətən maraqlıdır.
Normandiyaya çıxarma səhnəsi artıq çoxdan əfsanəyə çevrilib və bu gün də ən tələbkar tamaşaçıları belə təsirləndirir.
“Sürət”
Süjetin mərkəzində işlək və dahiyanə dərəcədə sadə bir fikir dayanır. Hər şey çox sadədir: sürətini azalda bilməyən bir avtobus və getdikcə artan gərginlik.
“Sürət” minimal konseptin necə onilliyin ən həyəcanlı döyüş filmlərindən birinə çevrilə biləcəyinin ən yaxşı nümunəsidir.
“60 saniyəyə oğurlamaq”
Sürət, risk və gözəl avtomobillər haqqında stilistik kriminal döyüş filmi.
Gecə şəhərinin atmosferi, adrenalin və böyük oyun hissi bu filmi axşam izləmək üçün ideal edir. Asan baxılır və söndürmək istəmirsən.
“Prezidentin təyyarəsi”
Süjet ilk saniyələrdən intriqa yaradır: ABŞ prezidenti, ələ keçirilmiş təyyarə və minlərlə metr yüksəklikdə sərnişinlərin həyatı uğrunda mübarizə.
“Prezidentin təyyarəsi” 90-cı illərin klassik siyasi döyüş filmidir - burada risk həddən artıq böyükdür və qərarları dərhal vermək lazımdır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
