TÜSİAB II Çərpələng Şənliyini keçirib

Azərbaycan Türk Sənayeci və İş Adamları Beynəlxalq Cəmiyyətinin (TÜSİAB) Qadın Qolları Komisyası xeyriyyə aksiyalarını və maarifləndirici tədbirləri davam etdirir.

Birlikdən Lent.az-a verilən məlumata görə, TÜSİAB Qadın Qolları Komisyası ötən ildən əsasını qoyduğu ənənəyə uyğun olaraq, bu il də II Ənənəvi Çərpələng şənliyi keçirib. Şənlik iyunun 7-də Mərdəkan Atçılıq Klubunda keçirilib. Tədbirdə məqsəd uşaqların sosial fəaliyyətlərə qoşulmasını, ailə fərdlərinin birgə istirahətini, onların birgə müəyyən işlər görməsini və validenylərin öz uşaqlarına daha çox vaxt ayırmasını təmin etmək idi. Bu il şənlikdə 1000-dən çox insan iştirak edib.

Şənlikdə uşaqların əylənməsi üçün çərpələng yarışması, müxtəlif əyləncəli oyunlarla bərabər at və fayton gəzintisi də təşkil olunub. Yarışlarda "əldə düzəldilmiş ən gözəl çərpələng" və "ən yüksək məsafəyə uçan çərpələng" nominasiyaları üzrə qaliblər mükafatlandırılıb.