Turizmə həsr olunmuş tədbir keçirilib - FOTO

“Turizmə dəstək” Gənclər Koalisiyası 2011-ci ilin “Turizm ili” olmasını, daxili turizmin inkişaf etdirilməsini və turizm sahəsində olan problemlərin aradan qaldırılmasının həlli yollarını axtarmaq və həmin problemləri aidiyyatı qurumlara çatdırmaq məqsədi ilə bu gün “Turizmin inkişafı: nailiyyətlər, problemlər və perspektivlər” adlı konfrans keçirib.

Lent.az-ın məlumatına görə, konfransda bu sahədə olan problemlərdən danışılıb, problemlərin həlli ilə bağlı təkliflər irəli sürülüb. Rəsmi şəxslərin, Milli Məclisin üzvlərinin, turizm mütəxəssislərinin və digərlərinin iştirak etdiyi tədbirdə problemlərin həlli istiqamətində xeyli təklif səsləndirilib. Azərbaycana gəlmək istəyən xarici turistlər üçün güzəştli biletlər, turizm şirkətlərində və mehmanxanalarda turistlərə göstərilən əlavə xidmətlərin artırılması və keyfiyyətini yüksəlməsi, lisenziyasız turizm şirkətlərinin ləğvi və s. barədə təkliflər irəli sürülüb.

Lalə Yusifqızı