Azərbaycanlı "qanuni oğru"lar: 21-ci əsrdə kimlər, harda və necə öldürüldü?
22 sentyabr 2022 18:06 (UTC +04:00)

Azərbaycanlı "qanuni oğru"lar: 21-ci əsrdə kimlər, harda və necə öldürüldü?

Rusiyanın kriminal mövzulardan yazan KİV-i 21-ci əsrdə öldürülən qanuni oğruların siyahısını tərtib edib. Lent.az-ın məlumatına görə, bu siyahıda Aslan Usoyan (Ded Xasan), Vyaçeslav İvankov (Yaponçik), Vladimir Maşinski (Malina), Viktor Kiselev (Kisel), Timofey Kapçenin (Timoxa Orenburqski) və digərlərinin adı var. Bəs görəsən, son 22 ildə neçə azərbaycanlı oğru öldürülüb? Bu sırada Sabirabadlı Hikmətdən tutmuş, “Albert Rıjı”ya qədər xeyli avtoritetin adı var. 

Qətlə yetirilənlərdən biri Mirseymur Abdullayevdir. O, 1963-cü ildə Nardaranda anadan olub və “Mirseymur Nardaranski” kimi tanınırdı. Mirseymur 2013-cü ilin may ayın 4-də  Moskvadakı “Peşera” gecə klubundan çıxarkən öldürülüb. 

2006-cı il aprelin 7-də yenə də Moskvada, Leninqrad şosesində kriminal aləmdə “Sabirabadlı Hikmət” kimi tanınan Hikmət Muxtarov güllələndi.

Killerlər Hikmətə “Mercedes-500” markalı maşınına minəndə avtomat və tapançadan atəş açmışdılar. 

“Qoca Yasamalski” kimi tanınan Əlibala Həmidov isə 42 yaşında İstanbulda qətlə yetirilmişdi.

Rövşən Rafiq oğlu Canıyev (Rövşən Lənkəranski) 17 yaşı olarkən polis işçisi olan atası, o zaman Azərbaycanda fəaliyyət göstərən kriminal qruplaşmalardan birinin nümayəndələri tərəfindən qətlə yetirilmişdi.

1996-cı ildə məhkəmə zalında əyləşən Rövşən Canıyev elə oradaca qatili güllələmişdi. 2012-ci ildə Dubayda 3 bıçaq yarasından, 2013-cü ildə isə Türkiyədəki sui-qəsd cəhdindən sağ qurtulmuşdu. 18 avqust 2016-cı ildə isə İstanbulda baş tutan növbəti sui-qəsd nəticəsində öldürülmüşdü. 

“Lotu Quli” kimi tanınan Nadir Səlifov 1972-ci il avqust ayının 28-də Gürcüstanın Dmanisi rayonunda anadan olmuşdu.

“Quli” 21 il həbs həyatı yatdıqdan sonra 2017-ci ilin oktyabrında azadlığa buraxılmışdı, N.Səlifov 48 yaşının tamam olmasına 9 gün qalmış Türkiyədə “Xan Əhmədlinski” tərəfindən qətlə yetirilb. 

Rusiyada kriminal aləmin tanınmış simalarından olan “Tima” ləqəbli azərbaycanlı avtoritet Teymur Məmmədov 2012-ci il sentyabrın 7-də öldürülüb. Əslən Göyçay rayonundan olan T.Məmmədov yaşadığı Tula şəhərində evinin önündə naməlum şəxslər tərəfində güllələnib. Azərbaycanlı kriminal avtoritetlərdən olan Baxşı Əliyev 8 aprel 2014-cü ildə vəhşicəsinə öldürülüb. 39 yaşlı oğru B.Əliyev Odessada “Veçerniy Baku” restoranında öldürülüb. 

Başqa bir oğru Rüfət Nəsibov 2013-cü il fevralın 2-də qətlə yetirilib. Onun “Ded Xasan” qruplaşmasının qurbanı olduğu bildirilir. Rüfətin cəsədi hələ də tapılmır. 

2017-ci il fevralın 2-də Rusiyada Siyavuş Zeynalov başından güllələnib. Hadisə Xanti-Mansiyksdə baş verib. Əslən Ağdam rayonundan olan Siyavuş Zeynalovun həyatını xilas etmək mümkün olmayıb. 

“Lotu Hikmət”in yaxın dostu 2017-ci ilin avqustunda Moskvada yaşadığı binanın qarşısında avtomobilinə əyləşəndə qətlə yetirilib. Ona 5 güllə vurulub. 

“Lotu Hikmət”in  yaxın qohumu “Qorbatı Ramiz” kimi tanınanı Ramiz Muxtarov 2010-cu ildə qətlə yetirilib. Həmin vaxt onun meyitini tapmaq mümkün olmayıb. 9 aydan sonra onun meyiti tapılaraq Sabirabada gətirilib və anadan olduğu Kürkəndində dəfn edilib. 

2021-ci ilin aprelində kriminal aləmdə “Albert Rıjiy” və “Albert Gəncəli” kimi tanınan Əli Heydərov Moskvada qətlə yetirilib.

Onu yaşadığı binanın idman zalında güllələyiblər. “Albert Gəncinski” “Ded Xasan” tərəfindən Rusiyanın Şimal-Qərb regionu üzrə “smotryayuşi” təyin olunmuşdu. Onun qatili qısa müddətdə tapılmışdı.

# 4644
avatar

Oxşar yazılar

Bakıda bu həftə hava necə olacaq?

Bakıda bu həftə hava necə olacaq?

9 dekabr 2022 , 10:19
Azərbaycanda dekabrın ən soyuq günü AÇIQLANDI

Azərbaycanda dekabrın ən soyuq günü AÇIQLANDI

9 dekabr 2022 , 09:45
Azərbaycanda COVID-ə yoluxanların  SON STATİSTİKASI

Azərbaycanda COVID-ə yoluxanların SON STATİSTİKASI

8 dekabr 2022 , 21:08
“Azercell”in dəstəyi ilə idarə olunan “Qadın Qaynar Xətti”nin rəsmi təqdimatı oldu®

“Azercell”in dəstəyi ilə idarə olunan “Qadın Qaynar Xətti”nin rəsmi təqdimatı oldu®

8 dekabr 2022 , 18:39
Həftə sonu üçün  HAVA PROQNOZU

Həftə sonu üçün HAVA PROQNOZU

8 dekabr 2022 , 17:56
Azərbaycanda maska cərimələri ləğv olunacaq? - CAVAB

Azərbaycanda maska cərimələri ləğv olunacaq? - CAVAB

8 dekabr 2022 , 16:02
İldırım 900-dan çox  adamı öldürdü

İldırım 900-dan çox adamı öldürdü

8 dekabr 2022 , 15:31
Sabah bu rayonlara gedənlərə XƏBƏRDARLIQ:  Yollar buz bağlayacaq

Sabah bu rayonlara gedənlərə XƏBƏRDARLIQ: Yollar buz bağlayacaq

8 dekabr 2022 , 14:11