Telefon fırıldaqçıları getdikcə daha hiyləgər üsullardan istifadə etsələr də, onları bəzi xarakterik əlamətlərə görə tanımaq mümkündür.
Lent.az xarici mediaya istinadla xəbər verir ki, mütəxəssislərin fikrincə, əsas təhlükə şəxsi məlumatların əldə edilməsinə yönəlmiş suallardır.
Bank kartının PIN və CVV kodları, SMS-lə göndərilən təsdiq kodları, parollar və tam pasport məlumatları heç vaxt telefon vasitəsilə paylaşılmamalıdır. Rəsmi banklar və dövlət qurumları bu məlumatları telefonla tələb etmir.
Bildirilir ki, dələduzlar çox vaxt özlərini bank əməkdaşı, polis və ya təhlükəsizlik xidməti nümayəndəsi kimi təqdim edir. Onlar inandırıcı və sərt tonda danışaraq hesabların bloklanacağı və ya cinayət məsuliyyəti ilə hədələyərək qarşı tərəfə psixoloji təzyiq göstərirlər.
Mütəxəssislər şübhəli zənglər zamanı “bəli”, “razıyam” kimi təsdiqedici cavablardan da çəkinməyi tövsiyə edirlər. Əgər qarşı tərəfin kimliyinə əmin deyilsinizsə, danışığı dərhal dayandırmaq və rəsmi qurumla birbaşa əlaqə saxlamaq məsləhətdir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
