Mütəxəssislər bildiriblər ki, adi alüminium folqa siqnalı bloklayaraq retranslyasiya hücumlarının qarşısını alır.
Lent.az xarici mediaya istinadən xəbər verir ki, açarsız giriş sistemi ilə bağlı müasir avtomobillərin təhlükəsizlik problemi bəzi hallarda hətta əl altında olan vasitələrlə, xüsusilə alüminium folqa ilə də qismən həll oluna bilər.
Söhbət avtomobil sənayesində artıq on ildən çoxdur məlum olan “retranslyasiya hücumları”ndan gedir.
Tədqiqatçılar sübut etmişdilər ki, passiv açarsız giriş sistemləri (PKES) siqnalın ələ keçirilməsinə qarşı həssas ola bilər. Bu isə cinayətkarlara fiziki açar olmadan avtomobili açmağa və işə salmağa imkan verir.
Folqa niyə kömək edir?
Mütəxəssislər izah edirlər ki, açarın alüminium folqaya bükülməsi elektromaqnit siqnallarını bloklayan “Faradey qəfəsi” effekti yaradır. Açar tam şəkildə büküldükdə folqa siqnalı 50 desibelədək zəiflədə bilər və bu da siqnalın tutulmasını faktiki olaraq mümkünsüz edir.
Bununla belə, folqada kiçik bir açıq hissə belə qorunmanın effektivliyini ciddi şəkildə azalda bilər.
Mütəxəssislər qeyd edirlər ki, problem şifrələmənin özündə deyil, siqnalın tutulmasına və yenidən ötürülməsinə imkan verən açarsız giriş sisteminin işləmə prinsipindədir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
