Alimlər apardıqları araşdırma nəticəsində kofenin ömür uzunluğuna necə təsir etdiyini müəyyən ediblər. Alimlər getdikcə daha çox belə qənaətə gəlirlər ki, müntəzəm kofe qəbulu həyatın davametmə müddətinə müsbət təsir göstərə bilər. Yeni tədqiqatlar təsdiqləyir ki, bir çoxlarının sadəcə enerji mənbəyi hesab etdiyi bu içki, əslində qocalma və xroniki xəstəliklərlə bağlı proseslərdən orqanizmi qorumağa qadir olan çoxlu sayda maddə ehtiva edir.
Lent.az xarici KİV-ə istinadla xəbər verir ki, qəhvə dənələrində təxminən min müxtəlif antioksidant tapılıb və daha yüzlərlə birləşmə qovrulma zamanı formalaşır. Bu maddələr sərbəst radikalları neytrallaşdırmağa kömək edir. Sərbəst radikallar oksidləşdirici stress yaradır və bu stress ürək-damar xəstəliklərinin, şiş proseslərinin, eləcə də artrit və ateroskleroz daxil olmaqla xroniki iltihabi problemlərin əsas səbəblərindən biridir.
Kofenın tərkibindəki antioksidantlar orqanizmdəki iltihabı azaldır və tədqiqatçıların fikrincə, məhz bu təsir onun qoruyucu funksiyasını təmin edir. Bir neçə geniş müşahidə işi göstərib ki, kofe sevən insanların ağır xəstəliklərdən ölüm ehtimalı daha aşağı olur.
12 illik uzunmüddətli müşahidəni əhatə edən araşdırmalardan biri müəyyən edib ki, gündə 4-5 fincan kofe içən insanlarda ölüm riski ən nəzərəçarpacaq dərəcədə azalır. Bununla belə, bu miqdarı aşmaq əlavə fayda vermir.
Onların fikrincə, kofe orqanizmin təbii metabolik proseslərin nəticələri ilə mübarizəsinə kömək edən və hüceyrə zədələnməsini ləngidən əlçatan antioksidant mənbəyi ola bilər. Kofenin təsiri insanın fərdi sağlamlıq xüsusiyyətlərindən asılı olaraq dəyişə bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
