Yerli hakimiyyət orqanları ildırım vurmasından zərər çəkənlərin çoxunun vəziyyətinin ağır olduğunu bildirir. Ekspertlər dağıdıcı fırtınanı geniş yayılmış meşələrin qırılması ilə əlaqələndirirlər.
Lent.az-ın xarici mediaya istinadən xəbərinə görə, Banqladeşdə mövsümi ildırım fırtınaları bir gündə ən azı 14 nəfərin ölümünə səbəb olub. Qurbanların əksəriyyəti qəfil fırtına zamanı açıq tarlalarda işləyən fermerlər olub.
Banqladeşdə qəfil fırtınaların güclü yağış və güclü ildırım vurması ilə müşayiət olunduğu bildirilir. 24 saat ərzində 14 nəfər həlak olub.
Yerli hakimiyyət orqanlarının məlumatına görə, ölənlərin əksəriyyəti tarlalarda işləyən fermerlər, eləcə də fırtına zamanı açıq havada olan işçilər olub.
Fırtına nəticəsində bir neçə nəfər xəsarət alaraq xəstəxanaya yerləşdirilib. Qurbanların bəzilərinin vəziyyəti ağırdır.
Hər il Banqladeşdə yüzlərlə insan ildırım vurması nəticəsində ölür. 2016-cı ildə təkcə may ayında 200-dən çox insanın, o cümlədən bir gündə 82 nəfərin ölməsindən sonra bu fenomen rəsmi olaraq təbii fəlakət elan edilib.
Mütəxəssislər ölüm hallarının artmasını geniş yayılmış meşə qırılması ilə əlaqələndirirlər.
Bu cür faciələrin əksəriyyəti yüksək temperatur və rütubətin qeyri-sabit hava şəraitinə səbəb olduğu aprel və iyun ayları arasında baş verir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
