"Tıxaclar dözülməz həddə çatıb" - İclasa gecikən DEPUTAT OD PÜSKÜRDÜ

Mən bu gün ilk dəfə iclasa gecikirəm.

Lent.az-ın xəbərinə görə, bunu Milli Məclisin İnsan Hüquqları Komitəsinin bu gün keçirilən iclasında deputat Arzuxan Əlizadə deyib.

Deputat bildirib ki, iş yerlərinə gecikmələr bir çox hallarda rəhbərlik və işçi arasında problemə səbəb olur: “Tıxaclar dözülməz həddə çatıb. Bu məsələni diqqətə almaq lazımdır. Düşünürəm ki, hələ də yollarda tıxac məsələsini həll edə bilməyənlər vətəndaşlardan üzr istəməlidir”.