TQDK buraxılış imtahanlarından azad edilmiş şagirdlərin sayını açıqladı

Tələbə Qəbulu üzrə Dövlət Komissiyası (TQDK) buraxılış imtahanlarından azad edilmiş sağlamlıq imkanları məhdud olan şagirdlərin siyahısını açıqlayıb. Komissiyanın mətbuat xidmətindən Lent.az-a verilən məlumata görə, iyunun 4-dək 2012/2013-cü tədris ilində rayon (şəhər) təhsil şöbələri nəzdində fəaliyyət göstərən psixoloji-tibbi-pedaqoji komissiyaları tərəfindən tam və ümumi orta təhsil səviyyələri üzrə buraxılış imtahanlarından azad edilmiş 651 şagirdin adı TQDK-ya göndərilib.

Qeyd edək ki, həmin şagirdlərin adları, məktəb və iş nömrələri TQDK-nın rəsmi saytında yerləşdirilib.