Xiyar bağ sahəsində yetişdirilən ən tələbkar tərəvəzlərdən biridir. Bir neçə gün quraqlıq, sərin gecələr və ya həddindən artıq rütubətli hava kifayətdir ki, yarpaqlar saralmağa, bitki unlu şeh xəstəliyinə tutulmağa və ya çiçək yumurtacıqları tökülməyə başlasın.
Bağbanlar xiyarların məhsuldarlığını artırmağa kömək edən ucuz bir dəmləmə resepti paylaşıblar.
Lent.az xarici mediaya istinadən xəbər verirlər ki, dəfnə yarpağı və çörək sodasından hazırlanan bu qarışım xiyarların böyüməsi və məhsul verməsi dövründə onları dəstəkləmək üçün sadə ev üsuludur. O, göbələk xəstəliklərinə qarşı profilaktik təsir göstərir, bitkiləri gücləndirir və yarpaqların bütün yay boyu sağlam qalmasına kömək edir.
Dəfnə yarpağı əsasən kulinariya ilə əlaqələndirilir, lakin onun tərkibində bioloji aktiv maddələr də var. Burada antibakterial və göbələk əleyhinə təsir göstərən efir yağları — xüsusilə evgenol və sineol mövcuddur.
Araşdırmalar göstərir ki, dəfnə ekstraktları bəzi göbələk patogenlərinin inkişafını zəiflədə bilir.
Əlbəttə, bu o demək deyil ki, dəfnə yarpağı dəmləməsi güclü infeksiya zamanı peşəkar bitki mühafizə vasitələrini əvəz edəcək. Amma mövsümün əvvəlində yardımçı və profilaktik vasitə kimi istifadə oluna bilər. Əlavə üstünlüklərindən biri də kalium, kalsium və manqan kimi mikroelementlərin olmasıdır. Sulama zamanı onlar az miqdarda torpağa keçir.
Çörək sodası - natrium bikarbonat - artıq uzun illərdir ekoloji bitki mühafizəsində istifadə olunur. Onun təsiri əsasən yarpaq səthinin pH səviyyəsini dəyişdirməsi ilə bağlıdır. Daha qələvi mühitdə bir çox göbələk sporlarının inkişafı çətinləşir.
Buna görə soda məhlulu aşağıdakılara qarşı tətbiq olunur:
• unlu şeh,
• boz kif,
• yarpaq ləkələnməsi.
Lakin burada ehtiyatlı olmaq lazımdır. Sodanın çox yüksək konsentrasiyası yarpaqlara zərər verə və torpağın mineral balansını poza bilər. İnternetdəki bir çox məsləhətlərdə bu barədə ümumiyyətlə qeyd edilmir.
Xiyar üçün dəfnə yarpağı və soda dəmləməsi
Resept sadədir, lakin nisbətlərə riayət etmək vacibdir.
Tərkibi:
• 6-8 ədəd dəfnə yarpağı,
• 1 litr isti su,
• yarım çay qaşığı çörək sodası
Dəfnə yarpaqları isti suya əlavə olunmalı və qapaq altında təxminən 20-30 dəqiqə saxlanmalıdır. Dəmləmə soyuduqdan sonra soda əlavə edib yaxşıca qarışdırmaq lazımdır.
Bu məhlulla:
• xiyarları 7-10 gündən bir kökündən sulamaq,
• və ya yarpaqları axşam saatlarında, birbaşa günəş şüaları altında olmamaq şərti ilə çiləmək olar.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
