2025-ci il avtomobil sənayesi üçün etibarlılıq sınağına çevrildiyi üçün, istehsalçılar təhlükəsizlik qüsurları səbəbilə milyonlarla avtomobili geri çağırmaq məcburiyyətində qalıblar.
Lent.az xəbər verir ki, Ford, il ərzində 153 fərqli geri çağırış və ümumilikdə 12,9 milyon avtomobil ilə siyahıya böyük fərqlə liderlik etdi.
Amerika nəhənginin geri çağırışlarının təxminən 4 milyonu arxa görüntü kameralarının nasazlığı ilə bağlı olub. Yanacaq nasosu və injektor problemləri də diqqətdən kənarda qalmayıb.
Bundan əlavə, “Explorer” modelində düşə biləcək qapı bəzək hissələrini yapışdırmaq təlimatı kimi maraqlı istehsal qüsurları da qeydə alınıb.
Toyota 3,2 milyon avtomobillə ikinci yeri tutub. Yapon istehsalçısı isə ümumiyyətlə arxa görüntü kameraları və cihaz panelləri kimi nisbətən kritik olmayan qüsurları ilə gündəmə gəlib.
Üçüncü yerdə olan Stellantis şirkətlər qrupu isə, xüsusilə hibrid “Jeep” modellərindəki batareyalardan qaynaqlanan yanğın riskləri ilə bağlı 2,7 milyon nəqliyyat vasitəsinin geri çağırılması ilə məşğul olub.
Hondanın 1,5 milyon nəqliyyat vasitəsini əhatə edən geri çağırışı, “Civic” modellərində təkərlərin çıxmasına səbəb ola biləcək istehsal qüsuru ilə bağlı olub.
Təxminən 1 milyon nəqliyyat vasitəsi ilə General Motors, V8 mühərriklərindəki birləşdirici çubuq qüsurları səbəbindən ciddi mühərrik nasazlığı riskləri ilə seçilib.
Keçən illə müqayisədə əhəmiyyətli dərəcədə irəliləyiş göstərən Tesla, 745.000 nəqliyyat vasitəsi ilə geridə qalıb. “Hyundai” və Kia kimi markalar da təxminən bir milyon geri çağırış sayına çatıb.
“Volkswagen” və “BMW” müvafiq olaraq 663.000 və 508.000 nəqliyyat vasitəsi ilə siyahının sonunda qərarlaşıblar.
2025-ci ildə ən çox geri çağırılan 10 markanın siyahısı belədir:
Ford: 12.9 milyon
Toyota: 3.2 milyon
Stellantis: 2.7 milyon
Honda: 1.5 milyon
“Hyundai”: 1 milyon
“General Motors”: 998.260
Kia: 982.346
Tesla: 745.075
“Volkswagen Group”: 663.663
“BMW”: 508.338
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
