Çox etibarlı 5 maşın: Təqaüdə çıxana qədər xidmət göstərəcəklər

Sürücülərin əksəriyyəti üçün avtomobillərinin etibarlı olması vacibdir. Heç kim təmirə çox pul xərcləmək istəmir.

Lent.az-ın xarici mediaya istinadla xəbərinə görə, 2025-ci ilin 5 çox etibarlı yeni avtomobilin adı açıqlanıb. Ekspertlərin fikrincə, onlar pensiyaya çıxana qədər xidmət edə bilərlər.

5 çox etibarlı yeni maşın

Toyota Corolla Hybrid

“Coastline Academy”nin həmtəsisçisi və baş icraçı direktoru Naycel Tannaklif jurnalistlərə bildirib ki, Toyota Corolla uzun müddətdir etibarlılıq üçün etalon olub. Onun sözlərinə görə, 2025-ci il modeli də istisna deyil.

Picture background

Ekspert qeyd edib ki, “Toyota Corolla”nın hibrid versiyasında da az yanacaq sərfiyyatı və çoxlu sayda müxtəlif təhlükəsizlik sistemləri var. Bundan əlavə, Tannaklif bildirib ki, bu model tez-tez uzun səfərlər edən sürücülər üçün idealdır.

Mazda CX-50

Tannaklif qeyd edib ki, Mazda CX-50 aktiv istirahətdən zövq alan insanlar üçün əla seçimdir. Onun sözlərinə görə, bu, bir çox rəqiblərindən daha sərfəli olan rahat və çox etibarlı krossoverdir.

Picture background

"Mazda CX-50 öz sinfində ən yaxşı texnologiya və təhlükəsizlik xüsusiyyətləri ilə seçilir və bu, sükan arxasında özünü təhlükəsiz və rahat hiss etmək istəyən insanlar üçün yaxşı seçimdir", - ekspert bildirib.

Hyundai Elantra

Tannaklif bildirib ki, Hyundai Elantra ucuz, lakin etibarlı avtomobil axtaran sürücülərə uyğun olacaq. O, bu modelin zəngin avadanlıq və praktik interyer təklif etdiyini vurğulayıb.

Picture background

Ekspert əlavə edib ki, Hyundai Elantra da az yanacaq sərfiyyatına malikdir. Bununla belə, o, “Toyota Corolla Hybrid”in hələ də daha sərfəli olduğunu etiraf edib.

Kia K4

Ekspertin sözlərinə görə, Kia K4 diqqətə layiq olan digər büdcə avtomobilidir. O, olduqca rahat və etibarlı olduğunu söyləyib.

Picture background

"K4, rəqiblərindən geri qalmayan yığcam avtomobilin gözəl nümunəsidir", - Tannaklif bildirib.

Toyota Camry

Ekspert “Toyota Camry”nin çox etibarlı və qənaətcil sedan olduğunu bölüşüb. O, bu modelin həm də qəşəng dizayna və praktik interyerə malik olduğunu vurğulayıb.

Picture background