Hesablama texnologiyaları haqqında danışarkən, adi noutbuklar və hətta iri serverlər belə, superkompüterlərin yanında kiçik görünür. Bu gün dünyanın ən güclü kompüteri hesab edilən yapon superkompüteri Fugaku insan təsəvvürünün çata bilməyəcəyi qədər mürəkkəb tapşırıqları yerinə yetirə bilir.
Lent.az xəbər verir ki, Fugakunun hesablama gücü müasir bir milyon noutbukun eyni anda işləməsinə bərabərdir. Bu nəhəng sistem rəsmi şəkildə dünya üzrə məhsuldarlıq reytinqinin lideri elan edilib.
Elm üçün misilsiz imkanlar
Alimlər Fugakudan ilk növbədə iqlim dəyişikliklərinin modelləşdirilməsi üçün istifadə edirlər. Superkompüter qlobal istiləşmə ilə bağlı mümkün ssenariləri yüksək dəqiqliklə hesablaya və potensial fəlakətləri əvvəlcədən proqnozlaşdıra bilir.
Tibbi sahədə isə Fugaku dərmanların yaradılması və molekulyar proseslərin modelləşdirilməsi üçün tətbiq olunur. Sistem molekulların qarşılıqlı təsirini analiz edərək xəstəliklərlə mübarizə üçün yeni kombinasiyalar tapmağa kömək edir.
Kosmosdan materialşünaslığa qədər
Fiziklər superkompüterdən ulduzların yaranması, qalaktikaların hərəkəti və digər kosmik proseslərin hesablanmasında yararlanırlar. Mühəndislər isə Fugaku-nun gücündən istifadə edərək yeni materialların atom səviyyəsində xüsusiyyətlərini əvvəlcədən hesablaya bilirlər.
Araşdırmalar göstərir ki, Fugaku pandemiya dövründə də mühüm rol oynayıb. O, virusun yayılma modellərini qurmaq və müdafiə tədbirlərinin effektivliyini qiymətləndirmək üçün istifadə olunub.
Gələcəyin texnologiyası
Mütəxəssislər qeyd edirlər ki, superkompüterlər elmi araşdırmaların əsas hərəkətverici qüvvəsinə çevrilir. Fugakunun saxlanması və işlədilməsi milyonlarla dollar tələb etsə də, onun elmi nailiyyətlərə verdiyi töhfə bu xərcləri tam şəkildə doğruldur.
Alimlərin fikrincə, Fugaku daha güclü sistemlərə gedən yolun yalnız ilk addımıdır. Texnologiyalar üzrə yarış davam edir və yaxın illərdə yeni rekordların qeydə alınacağı istisna edilmir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
