İsveçrədə yerləşən tibbi texnologiya şirkəti “LEM Surgical”, əməliyyat otaqları üçün hazırlanmış inqilabi “Dynamis” cərrahi sistemini nümayiş etdirib.
Lent.az xəbər verir ki, NVIDIA-nın stendində təqdim edilən bu sistem, sadəcə bir konsepsiya olmaqdan kənara çıxaraq, kommersiya məqsədli istifadəyə hazır real məhsul kimi diqqəti cəlb edib.
Xüsusilə onurğa və ortopedik cərrahiyyələr üçün hazırlanmış cihaz, insan əlinin ikitərəfli hərəkətlərini mükəmməl şəkildə təqlid edə bilən inkişaf etmiş bir arxitekturaya malikdir.
Cərrahlara submillimetr dəqiqliyi ilə alətləri yerləşdirməyə imkan verən sistem, mikrohərəkətləri kompensasiya etmək üçün süni intellektlə işləyən prosessorlardan istifadə edir.
Sistemin mərkəzində üç robot qol var: əməliyyatı istiqamətləndirən iki qol və naviqasiya kamerasını idarə edən üçüncü qol.
FDA təsdiqini uğurla alan “Dynamis”, artıq Las Vegasdakı bir xəstəxanada adi onurğa əməliyyatlarında fəal şəkildə istifadə olunur.
Şirkət gələcək versiyalarında robotun qərar qəbuletmə qabiliyyətlərini və cərrahi prosedurlarda vəziyyətə uyğunlaşma qabiliyyətini artırmağı hədəfləyir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
