Çin elektrik avtomobil istehsalçısı “Xpeng”, 5 noyabr 2025-ci ildə Quançjouda keçirilən "Süni İntellekt Günü" tədbirində “IRON” adlı yeni nəsil insanabənzər robotunu təqdim edib.
Lent.az xəbər verir ki, robotun təbiiliyi və axıcı yerişi izləyicilər arasında tez bir zamanda bir çox sual doğurub.
Belə ki, diqqət mərkəzində olan “IRON”, uçuş-enmə zolağındakı bir modelə bənzəyən kinematoqrafik addımlarla yeriyib. Sosial mediada yayımlanan videolarda robotun çiyin titrəmələri, addım ritmi və bədən tarazlığı da görünüb və bu, insanların titrəmələrinə o qədər bənzəyib ki, bir çoxları bunun şou ola biləcəyini düşünüb.
“Xpeng”in baş direktoru fərziyyələri dağıtmaq üçün mühəndislərini səhnəyə çağıraraq robotun bədəninin bir hissəsindəki örtüyü kəsdirib və “IRON”un daxili mexanikasını insanlara göstərib.
Bu addımla şirkət açıq şəkildə "Bu, kostyum deyil; əsl robotdur" mesajını verib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
