Otelləri təmizləyən, hətta çiçəklərə qulluq edən robot -VİDEO

Çində otel otaqlarını təmizləyə bilən insanabənzər robot yaradılıb. İxtira müstəqil şəkildə döşəmə yuya, şəxsi gigiyena ehtiyatlarını doldura, hətta tualetləri fırça ilə təmizləyə bilər.

Lent.az-ın xarici mediaya istinadla xəbərinə görə, bu robot H1 adlandırılıb və COVID-19 pandemiyası zamanı əziyyət çəkən otel sənayesini yenidən işə salmağa qadirdir.

"Zerith H1-in gövdəsi var - hündürlüyü yer səviyyəsindən 6,5 fut (demək olar ki, iki metr) tənzimlənir - çevik təkərlərlə təchiz olunmuş kiçik bazaya bərkidilir. Onun yeddi dərəcə sərbəstliyə malik qolları təxminən 2,5 fut (0,7 metr) qədər uzana bilir.

O, süni intellekt, sensorlar və dərinlik kameraları ilə təchiz edilib ki, bu da ona maneələrdən yayınmağa, dar dəhlizlərdən və müxtəlif planlı otaqlardan keçməyə imkan verir. Batareya dörd saat işləməyə imkan verir.

İstehsalçı Zerith Robotics bu yaxınlarda robotun otel vanna otağında işlədiyini göstərən video yayımlayıb. O, ustalıqla dəsmalları camaşırxana səbətinə atır, tualet əşyalarını doldurur, tezgahı təmizləyir və hətta çiçək vazasını təzə su ilə doldurur.

"Biz otel sənayesini seçdik, çünki bizim son məqsədimiz evə girməkdir. Otellər aydın tələblər və evdə təkrar istifadə oluna bilən məlumatlarla evlərə aparan ideal standart ssenari rolunu oynayır", - “Zerith Robotics”in qurucusu Min Yuhen e-poçtda bildirib.

Belə bir robotun qiyməti 13700 dollar civarında ola bilər.