Paltaryuyandakı kifləri və tozu necə təmizləməli?

Paltaryuyan maşından mütəmadi istifadədə cihaz təmizlənmədikdə fəsadlar yaranmağa başlayır. Toz və yuyucu vasitələrin qalıqları ilə yanaşı artıq nəmlik də maşının qapı rezinində kifin yaranmasına səbəb olur. Bu isə həm xoşagəlməz qoxu yaradır, həm də təmiz paltarların təravətini pozur.

Lent.az xarici mediaya istinadən kifin qarşısını almağın yolları barədə xəbər verir.

Kifin qarşısını almaq çox asandır. Paltarlar maşından çıxarıldıqdan sonra qapağı və toz qabı hissəsi azı bir saat açıq saxlanmalıdır. Bu, havalanma təmin edir və maşında nəm qalmır.

Kifin yaranma səbəbləri

Yuyulmadan dərhal sonra qapının bağlanması nəticəsində nəmin içəridə qalması, toz və kondisioner qalıqlarının rezin hissələrdə yığılması, maşının həddindən artıq yüklənməsi və artıq miqdarda yuyucu vasitədən istifadə.

Kifin necə qurtulmaq olar?

Mütəxəssislər bildirirlər ki, küfün qarşısını almaq, onu təmizləməkdən daha asandır. Lakin problem yaranıbsa, sadə məişət vasitələri köməyə gələ bilər:

Ağ sirkə ilə qapı rezinlərinin silinməsi – sirkə antibakterial təsir göstərir və küf sporlarını məhv edir.

Sodanın barabana səpilməsi və yüksək temperaturda boş yuyulma rejiminin işə salınması – soda sabun və yağ qalıqlarını həll edir, maşını təmizləyir.

Mütəxəssislər xəbərdarlıq edir ki, soda və sirkədən eyni vaxtda istifadə etmək olmaz, çünki onların reaksiyası təmizləmə effektini azaldır. Yuyulma zamanı ya sirkədən, ya da sodadan ayrıca istifadə olunmalıdır.