Müasir smartfonlar çəkilən fotoları istifadəçinin gördüyü şəkildə demək olar ki, heç vaxt saxlamır. Kamera avtomatik olaraq görüntünü emal edir, kəskinliyi artırır, rəngləri və işıq-kölgə balansını düzəldir, bəzi hallarda isə süni intellekt vasitəsilə əlavə detallar yaradır. Nəticədə fotolar daha "ideal" görünsə də, təbiiliyini itirə bilir.
Lent.az xəbər verir ki, bu səbəbdən son vaxtlar emalı tamamilə söndürərək mümkün qədər "təmiz" kadrlar təqdim edən tətbiqlərə maraq artır. Belə həllərdən biri də How-To Geek nəşrinin diqqət çəkdiyi Halide Mark III foto tətbiqidir. Nəşrin icmalçısı fotoların standart emalını deaktiv edən Process Zero rejimini sınaqdan keçirib. Bu funksiya sayəsində istifadəçilər sonradan peşəkar redaktə proqramlarında işləmək üçün daha təbii görüntülər əldə edə bilirlər. Onun sözlərinə görə, fərq ilk baxışdan hiss olunur: belə fotolar daha təbii görünür və çəkiliş anında istifadəçinin həqiqətən gördüyü mənzərəyə daha yaxın olur. Süni şəkildə artırılmış rəng doyması və kontrast olmur. Bu xüsusilə təbiət fotolarında özünü göstərir rənglər daha yumşaq və real görünür. Process Zero rejimi iOS sistemindəki bütün rəqəmsal köməkçi funksiyaları deaktiv edərək istifadəçiyə əl ilə tənzimləmələr üzərində tam nəzarət imkanı verir. Bundan əlavə, şəkillər RAW formatında saxlanılır ki, bu da onların peşəkar şəkildə emal edilməsini asanlaşdırır. Digər tərəfdən, bu cür fotolar sosial şəbəkələr üçün daha az "effektli" görünə bilər. Çünki smartfon alqoritmləri adətən şəkilləri daha parlaq, daha rəngarəng və vizual olaraq cəlbedici edir, baxmayaraq ki, bu, realizm hesabına baş verir. Halide Mark III tətbiqi həmçinin ekspozisiya və digər parametrləri çəkilişdən sonra tənzimləməyə imkan verən daxili redaktə alətləri də təqdim edir. Android smartfonları üçün Halide Mark III mövcud olmasa da, tam əl ilə idarəetmə təklif edən Zerocam və MotionCam Pro kimi alternativlər mövcuddur.
"Emalsız çəkiliş" rejimi maksimum dərəcədə təbii fotolar əldə etmək və nəticəyə tam nəzarət etmək istəyənlər üçün uyğundur. Bu xüsusilə mobil fotoqrafiyaya maraq göstərən və smartfonların aqressiv emal alqoritmlərindən yorulan istifadəçilər üçün faydalı ola bilər. Bununla belə, gündəlik çəkilişlər və sosial şəbəkələr üçün əksər istifadəçilər standart kamera tətbiqindən razı qalmağa davam edəcəklər. Çünki o, əlavə səy tələb etmədən paylaşım üçün hazır, daha parlaq nəticələr təqdim edir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
