SpaceX nəhəng plan: Luizianada 100 milyard dollarlıq “Starbase” qurulacaq

SpaceX Luiziana ştatında təxminən 100 milyard dollara başa gələcək nəhəng raket buraxılış kompleksi yaratmaq planını açıqlayıb.

Lent.az xəbər verir ki, bu barədə Reuters məlumat yayıb.

Şirkətin “Starbase Louisiana” adlandırdığı layihənin 125 min akr ərazini əhatə edəcəyi bildirilir. Burada gələcəkdə “Starship” raketlərinin buraxılması və şirkətin süni intellekt peykləri ilə bağlı fəaliyyətinin genişləndirilməsi planlaşdırılır.

SpaceX prezidenti Qvin Şotvell kompleksdən gələcəkdə ildə minlərlə “Starship” uçuşunun həyata keçirilməsinin mümkün ola biləcəyini bildirib.