Televizoru açıq saxlamaq təhlükəli ola bilər – Mütəxəssislərdən xəbərdarlıq

Televizoru gün boyu açıq saxlamaq göründüyü qədər zərərsiz deyil.

Lent.az xəbər verir ki, mütəxəssislərin fikrincə, bu vərdiş cihazın daxili komponentlərinin daha tez köhnəlməsinə, həddindən artıq qızmasına və bahalı nasazlıqlara səbəb ola bilər.

Xüsusilə OLED ekranlı televizorlarda uzun müddət eyni görüntünün qalması piksel yanığı (burn-in) riskini artırır və ekranda qalıcı izlər yarada bilər.

Müasir qoruyucu texnologiyalara baxmayaraq, bu risk tam aradan qalxmayıb.

Bundan əlavə, televizorun və ona qoşulan səs sistemləri və media cihazlarının fasiləsiz işləməsi elektrik enerjisi sərfiyyatını artıraraq aylıq xərclərin yüksəlməsinə səbəb olur.