Yeni çiplərlə Wi-Fi sürəti artdı

Wi-Fi sürəti 3D prosessorlarından istifadə etməklə artırılıb.

Lent.az xəbər verir ki, bu barədə məlumat “Nature Electronics” jurnalında dərc olunub .

Mütəxəssislərin fikrincə, smart cihazların və internet istehlakçılarının sayının artması səbəbindən adi Wi-Fi marşrutlaşdırıcıları öz vəzifələrinin öhdəsindən gələ bilməzlər. Alimlər yeni tip marşrutlaşdırıcıdan istifadə edərək əlaqənin sabitliyini artırmağı təklif ediblər.

Sənəddə deyilir ki, marşrutlaşdırıcıların və simsiz şəbəkə avadanlıqlarının böyük əksəriyyəti bir anda məhdud tezlik diapazonunu idarə edə bilən “düz” çiplərə əsaslanır. Alimlər eyni vaxtda bütün lazımi tezliklərə xidmət edə bilən üçölçülü prosessorlar haqqında danışıblar.

Mühəndislər bir çipdə müxtəlif tezliklər üçün nəzərdə tutulmuş çoxsaylı prosessorları yerləşdirmək üçün yarımkeçirici texnologiyasını təsvir ediblər. Beləliklə, marşrutlaşdırıcı eyni vaxtda bütün tezliklər üzrə məlumatları ötürə biləcək. Elektrik və kompüter mühəndisliyi üzrə dosent Ruzbeh Təbrizian, "Yalnız bir tezlik üçün hazırlanmış bir çipin artıq mənası yoxdur", - deyə bildirib.