Yedirib sağaltdığı qarğa hər gün EVİNƏ GƏLİR -  VİDEO
27 noyabr 2022 15:49 (UTC +04:00)

Yedirib sağaltdığı qarğa hər gün EVİNƏ GƏLİR - VİDEO

Ankarada yaralı qarğa onu hər gün yedizdirən və sağaldan Neslişah Turqana baş çəkir.

Lent.az-ın Türkiyə mediasına istinadla xəbərinə görə, paytaxtda müxtəlif təşkilati işlər görən Neslişah Turqan bazara göndərdiyi oğlunun çiynində körpə və xəstə qarğa ilə geri döndüyünü görüb.

Turqan ilk gələndə tükləri hələ tam çıxmayan qarğa balasını götürüb yedizdirməyə başlayıb. Evində qarğaya qulluq edən Turqan 2 həftəlik baxımdan sonra qarğanı sağaldıb.

Adını “Soylu” qoyduğu qarğa günün müəyyən saatlarında evə baş çəkir və həm onun üçün qoyulan yemi yeyir, həm də həsrətini Turqanla doyurur.

Qarğanın ilk gəldiyində uça bilmədiyini bidirən Turqan, "Bura toy, nişan kimi müxtəlif tədbirlər təşkil etdiyimiz kiçik bir butik villadır. Qarğamız təxminən 2 həftə qonağımız oldu. Oğlum marketdən gələrkən təsadüfən görüb gəlirmişdi və ilk gələndə tükləri təzə çıxırdı. İki həftəlik qonağımız oldu. Hər səhər gəlib bizimlə səhər yeməyi, hər axşam gəlib şam yeməyini yeyir”, - deyib.

O, qarğanın nadinc tərəfi olduğunu dilə gətirib: “Məsələn, biz heç pul saxlaya bilmirik. Bağın hər küncündən yığırıq. Şəxsi əşyalarımızı görünən yerə qoya bilmərik. Amma biz yenə onu sevirik. Adını “Asil” qoyduq. Asil səhər-axşam qonağımızdır. Gəl deyəndə daxil olur, get deyəndə gedir”.
 

Yedirib sağaltdığı qarğa hər gün ziyarətinə gəlir

# 3732
avatar

Oxşar yazılar