Əfsanənin qayıdışı: 60-cı illərin saç kəsimi yenidən dəbdə

İtalyan bob saç kəsimi 1960-cı illərin italyan qlamuruna və Sofi Loren kimi məşhur aktrisaların üslubuna birbaşa işarədir. Bu gün isə bu saç düzümü yenidən populyarlaşaraq zəriflik və rahatlığı birləşdirən stil axtaranlar üçün ideal alternativə çevrilir.

Lent.az bu dəbi təqdim edir:

İtalyan bob necə görünür

Klassik bob saç kəsimi adətən daha strukturlaşdırılmış və səliqəli olur. İtalyan bob isə daha yüngül və zərif görünüşü ilə seçilir. Bu saç kəsiminin uzunluğu çənədən bir qədər aşağı olur. Yəni saç nə çox qısa, nə də çox uzundur. Məhz bu orta uzunluq saçın hərəkətli, həcmli və təravətli görünməsini təmin edir. Bu xüsusiyyət onu daha ağır və sərt bob variantlarından fərqləndirir və ideal seçimə çevirir.

İtalyan bob kimlərə yaraşır

Digər qısa saç kəsimləri kimi, bu stil də daha çox oval, uzunsov və ürək formalı üz quruluşuna uyğun gəlir. Saç üz sümüklərini vurğulayır və dolğun üzü vizual olaraq daha balanslı göstərir. İtalyan bob nazik saçlı insanlar üçün də ideal seçim sayılır, çünki saçlara vizual olaraq daha çox həcm və qalınlıq verir. Bu saç düzümü buruq, düz və dalğalı saçlarda da yaxşı görünür.

Софи Лорен. / © Associated Press